第一間試嘅餐廳係The Green, 係酒店嘅lobby lounge
呢個lounge 感覺好寬敞, 因為樓底有三層樓(定係五層呢? 突然間唔記得咗...)咁高
亦因為咁, 餐廳有一個好高嘅酒架/櫃, 可以儲存幾千支酒.
呢一幅牆係採用一個Poly U學生嘅設計, 由好多唔同嘅字拆開而成
而另一個特色, 就係呢幅橫跨三層樓嘅植物牆, 有80種植物由荷蘭運到, 呢幅牆有自動灑水設計.
唉吔! 耍講返的食物同service 啦.
正式menu還未印好
暫用A4 size letterhead 打印而成
Waitress幫我落單時介紹一個Happy hour set, 紅酒+小食, 包兩杯酒&三款小食. 第一位waitress比較緊張, 落單時唔能夠全部記得所有食物, 有些酒及食物問題亦未能回答. 但佢笑容滿面, 後來請另一位waitress來解答我嘅問題.
我地兩個人, 每人一個set, 咁可以先飲一杯白酒, 再飲一杯紅酒
小食有墨西哥粟米片, 呢個味道唔錯
炸蘑菇ok, 炸水牛芝士唔夠熱, serrano ham 唔錯
芝士cracket, 的餅乾唔夠脆, 另外嗰一小碟係橄欖銀魚柳. 的綠橄欖好鹹, 的銀魚柳釀咗入橄欖入面, 好難食出有魚味, 比的橄欖鹹味蓋過, 唔啱食.
呢間餐廳其實坐得頗舒服, 樓底高, 聲音向上走, 我隔離一兩檯都有人傾謁講笑, 但係都唔覺得好嘈.
雖然某些地方仍需改善, 但感覺良好....
沒有留言:
張貼留言