台灣喜餅

2011年4月12日下午3:35公開累積瀏覽 105 0

April 6, 2011, Wednesday Night

浸咗的珊瑚草, 食完晚飯林老闆過嚟搵型爸傾吓謁, 飲少少酒, 順便幫的台灣手信剪吓彩.  咁啱陶爸散步又一齊入嚟傾吓謁.

開咗的豬肉乾比佢地送酒, 其實大家都啱啱食完飯, 好飽, 都係口痕啫.

响林老闆咁多手信中, 好想介紹吓呢一盒...

瑞良珍出嘅喜餅, 佢地親戚有囍慶, 返香港仲帶埋個喜餅嚟比我地試吓.   我之前未見過亦都未食, 所以好想試呀!

打開之後好心急切, 唔記得影張相先.  唯有切咗先補番一張啦!   呢個餅大約直徑8", 上面印咗個囍字.

切開之後見到入面有一粒粒肉, 仲有鹹蛋黃.

打開睇吓, 綠豆蓉, 肉粒(的肉粒都幾好味)同蛋黃.  食落去原來係鹹嘅, 味道都幾特別, 同我地的中式嫁女餅完全唔同.

再睇吓個盒底, 印咗其他瑞良珍12款產品

睇真個盒面, 貼咗魯肉蛋黃,原來一粒粒嗰的係魯肉, 幾特別吖, 唔錯呀, 又試到新野.  不過呢的喜餅唔啱型爸口胃, 佢中式嫁女餅都唔食.   反而我就最喜歡食呢的特別野,

好多年前有個台南廠家, 每年過年中秋節都寄的"綠豆餅"嚟公司, 入面又係有綠豆蓉, 有少許肉, 酥皮面, size差唔多大但好薄身, 係呢個餅嘅三份一與二份一之間啦.  好好味架, 但好耐都無食過啦. 

味道比呢款餅更加好, 唉吔! 有的懐念添....