珊瑚草(海底燕窩)

2011年4月12日下午2:20公開累積瀏覽 664 2

April 7, 2011, Wednesday Night

食完飯, 諗來諗去, 都係要面對的珊瑚草,  昨天晚上已經上網搵資料, 但並沒有找到一個recipe完全可以跟著做.   還好, 最起碼我都知道如何清洗及需要浸多久, 亦都知道珊瑚草可以用來作涼拌菜.

見到有咁多珊瑚草都有的驚, 10磅, 共4.5分斤,  即4500g, 我今次都係試驗性質, 攞200g出嚟浸.   如果每次200g, 都要整22.5次. 但係網上話呢的珊瑚草可以發至5-8倍, 咁咪已經多過一公斤?  有的又話每次浸二兩, 二兩即差唔多70g.  如果每次用70g, 都可以整60幾次,  唔通個個星期都整?   唔知呢的乾嘅珊瑚草可以儲存幾耐, 使唔使放入雪櫃呢?
網上講珊瑚草嘅好處真係多不勝數, 仲話係超級美容聖品, 所以先叫做海底燕窩(當堂開心哂, 我而家有咁多貨).  真係要好好研究一吓, 唔好浪費咗林老闆一番心機, 咁重都帶返嚟比我.
今次浸多的, 整唔掂都即刻有後備吖.

的珊瑚草本身淺啡色, 浸洗之後, 有好多白色粉狀出來, 略帶腥味

浸咗個多小時, 的顏色變淺黃色
再浸多一會, 我已換了兩次水, 睇落都係差唔多, 但感覺上已經多了很多, 因為要浸過夜, 最後都換咗個大盤.

呢個盤起碼大之前嗰個4-5倍.  浸咗24小時, 成盤都滿哂.

24小時後, 已經變成白色透明狀.  質地好依韌, 用手係撕唔開, 腥味已經無咁濃(但仲有少少腥味), 咬落去好爽脆, 但係一的味道都無, 絕對唔似海浙.

暫時都無咩野特別idea整咩野好呢.... 一陣間上網再搵吓, 心中都有的定案, 紅棗桂圓味甜品就唔少得, 仲可以整的咩???  今個星期六甜品, 都一定會係呢樣.  明晚一定要開工啦.