五號屋會所 - 家居新玩意

2011年4月9日下午5:19公開累積瀏覽 68 2

April 5, 2011, Tuesday Afternoon, 清明節假期

型爸同陶爸, 後尾加埋二公子, 攪機都攪咗兩三個鐘, 卒之駁好哂的線啦. 攪咩野機?

咪係呢部新嘅touch monitor Karaoke 囉. 因為版權問題, 而家香港係無得賣架, 但係响國內就越出越多新款.   今次係陶爸幫忙從國內買咗帶落嚟.  之前型爸上去睇過另一個款式, 唔係呢個牌子(我地都唔識呢的國內牌子), 陶爸話呢部更新款喎!

用touch mon 嚟揀歌, 真係又快又方便.  個mon係座地架., 我地坐喺梳化揀歌就啱啱好

上面黑色嗰嚿係for無線咪嘅, 而下面銀白色嗰嚿就係新Karaoke system..  個hard disc 有4T.

唯一美中不足就係套system 唔係黑色, 我屋企所有hi-fi 都係黑色, 而家淨係呢套係白色...唔記得同陶爸講添.

佢地整機期間, 我地幾個部屋又商量今晚不如Potluck啦, 都係每人整一兩個餸啫, 好易攪.

我地試部新機真係好興奮, 由三點唱到晚上十點幾, 直至林老闆一家由台灣返到嚟(都差唔多十點幾), 先熄咗部karaoke.  林老闆買咗好多手信返嚟呀, 好驚嚇呀...    本來今日無咩節目,  結果今天變得節目非常豐富.

唉吔...唔記得咗部舊Karaoke添, 真可憐, 都係用咗年幾之麻, 而家拆咗出嚟放喺到, 係咪應該post 上網賣咗去呢?