今日我同型爸請咗一天假, 陪三家姊姊夫去澳門玩兩天, 姨甥都一齊去, 陪我地食吓野, 但就即日來回.
我地買嘅package無包去程船飛, 需要自己另外買.
到達澳門, 先去碼頭澳門旅遊局詢問一下, 攞張地圖, 跟著就分兩架的士, 先去營地街市
就係呢座謍地街市市政綜合大樓
我地嚟呢道唔係買餸呀! 唔通帶埋個廚房唛澳門吖... 走嚟呢道搵食呀! 三樓熟食中心...
今日唔係假期, 但都好多人喎...
U型設計, 中心係不同的熟食檔. 沿窗邊都係座位.
我地嚟呢道想食咩?
咪為咗呢檔梓記牛什囉.
咪睇佢檔仔細細, 前面有十幾個人排隊, 我要打鈄影先影唔到唔其他人
姨甥叫咗牛腩粉加油菜
姊夫第一時間叫咗牛什粉, 後尾再加碟淨牛腩一齊食, 我覺得的牛腩炆得太腍, 無咗嗰的咬口, 但味道唔錯
我地無話比家姊知嚟呢道係食牛什, 佢快快趣買咗一碗雞翼河, 不過佢話的雞翼唔好味, 超嚡!
我都係叫咗一碗牛什粉, 的牛什都ok嘅, 又唔係好係都不得了, 一般啦, 真係好多年無食過牛什啦.
型爸好勁呀! 午飯時間整個黃鱔排骨煲仔飯...又熱又飽喎...
呢道成層有幾檔瓦煲奶茶, 呢個檔主話係佢始創者喎
咁我就影吓佢個大瓦煲啦. 姊夫姨甥都幫襯呢檔, 一凍一熱, 但佢地都話, 絕對係普通奶茶, 無驚喜.
我同型爸就幫襯另一檔, 檔口又係貼滿瓦煲奶茶嘅介紹. (我幫襯佢係因為見到隔離檯本地人阿叔都幫襯). 咁又試吓啦.
影吓佢的瓦煲...咦! 咁新淨嘅....
型爸嘅凍奶茶,
我嘅熱奶茶. 又係無驚喜喎! 我地香港兩間大型快餐店(美x & 大x樂)的奶茶都好過佢地喎!
的牛腩/牛什粉都係hk$15一碗, 都算抵食嘅... 煲仔飯hk$35....奶茶幾錢杯, 我唔知喎, 型爸比完錢, 問返佢, 佢就一定話唔記得架嘞!
食完去超市睇吓的紅酒, 再買的葡國橄欖, 就去酒店check in 啦.
沒有留言:
張貼留言