壽司+泰式生蝦+日本清酒

September 7, 2013, Saturday Night

送完二公子返工, 我同型爸去超市買野, 跟著再去買餸.  都唔知今晚食咩好, 不過一去到超市....即刻有決定啦.


咪見到呢個牌囉, 真係抵唔著頸, 原價HK$158嘅什錦壽司, 竟然買六折, 限賣三十盒....我同型爸講, 買一盒都夠哂我地食啦...


結果梗係買咗返屋企啦... (Ruby最開心, 又唔使煮飯洗碗啦)

為咗唔想咁單調只係食壽司

開咗枝姪仔從沖繩買回來送我的清酒, 呢枝酒叫龍壺


900ml, 25度呀!


最特別係個壺塞, 可以重用, 仲好實添
 

今次係凍飲

另外再整咗一碟泰式生蝦

除咗蒜片同辣椒, 再切咗的紅蔥頭片

 

每一隻生蝦都放上蒜片辣椒同紅蔥頭, 再醮的泰式辣汁...好正呀!
 

我同型爸的晚餐.... Nice Dinner.

不過我地點食得哂咁多壽司, 比咗Ruby六件, 再留起八件比二公子做宵夜, 咁先勉強清哂咋.

我就無鬼用啦, 都唔係飲咗好多清酒, 飲完一個小時開始發酒寒...好凍呀 (唔通我寒底, 魚生, 生蝦再加凍清酒所以發酒寒?)

凍到我要著件晨褸再加被蓋著....哈哈, 不過個幾鐘後的酒氣過咗就無事啦.