今日放假, 咁啱二公子返下午班, 可以同我地食完晏先返工, 型爸提議不如出去食, 由二公子做東... 哈哈, 二公子一口應承...真係大個仔啦.
二公子話下午無咩胃口, 食簡單的, 牛腩粉就最好. 屋企附近並無粉麵店, 開車去了上水街市二樓熟食檔.
幫襯呢間城記魚蛋王.
既然檔口叫魚蛋王, 咁我梗係要叫碗魚蛋粉試吓啦, 不過的魚蛋屬一般, 唔差亦無大驚喜.
但的河粉就非常滑, 好味呀!
最有驚喜竟然是型爸叫的水餃麵
的水餃咬落爽口彈牙, 好味! 但好矜貴, 只得三粒, 型爸每人分了一粒給我及二公子(型爸真好...), 我們馬上回報魚蛋及牛腩
二公子要了牛腩河粉, 的牛腩就稍為味, 普通.
要了一碟油菜, 連一碗粉算係套餐, 只需要加五元. 另外兩碗粉麵, 要了飲品都係加五元
型爸再要了一碟牛什, 呢碟就唔係好抵食, 好細碟HK$65
同的菜放埋一齊就知點牛什有幾細碟, 碟菜HK$5得幾條好合理(隻碟大概直徑6"), 牛什HK$65, 應該大少少啩. 不過而家咩都貴, 真係好難講.
三個人食粉麵粉都要一百五十幾呀!
食完我地送二公子返工, 跟著我同型爸去行超市....仲要諗吓今晚二人撐檯腳, 食咩野好呢?
食完我地送二公子返工, 跟著我同型爸去行超市....仲要諗吓今晚二人撐檯腳, 食咩野好呢?
沒有留言:
張貼留言