自家製雪糕

 

最近我家又多了一個新玩具....


呢就係呢部雪糕機啦.

折開盒就係咁樣

配件好簡單, 只要裝上呢個枝攪拌捧

整雪糕前需要將呢個container,放入冰箱雪八小時

跟雪糕機有兩個recipe, 但我唔喜歡香橙味雪糕, 所以跟其他blogger嘅recipe

今次整雲呢拿雪糕

材料: 250ml Cream, 250ml 北海道牛奶, 4-5 湯匙鍊奶, 2 茶匙 雲呢拿油


全部材料放入冰凍雪糕機

加蓋攪拌30分鐘


攪完之後就變"杰"好多


將的雪糕轉落玻璃盒, 覺得好快溶


加蓋放入雪櫃, 感覺上好似差咁的, 唔理啦, 放入冰櫃雪一雪先

同一時間我就做另一款口味

今次唔加雲呢拿油, 改落5茶匙綠茶粉

 

怕的綠粉唔溶, 落小鍋與奶煮溶, 未煮滾已經好快溶哂

跟著過濾放入玻璃盒, 入雪櫃急凍(落雪糕機前的材料要凍)

 

最後全部放入雪雪機打半小時, 再放入冰箱

一小時後攞出嚟, 試味, 覺得的雪糕有的icy唔夠creamy, 我覺得應該再打耐的, 結果用電動打蛋器再再打一次

 

 

打完就似樣好多啦, 的體積擴大了, 本來只得四份三滿, 打完之後就差唔多滿哂

加蓋再入冰櫃

有雪糕食啦...

鴛鴦口味.

雲呢拿雪糕味比較淡, 因為只落了4湯匙鍊奶, 而綠茶雪糕就落了5湯匙奶.  不過的雪糕都係有的icy, 攞出嚟好快溶, 同平時超市買嘅有的唔一樣...

我諗我下次再整時, 會先打起的cream, 再放落雪糕機, 我諗應該會"綿"的.  下次再整其他口味....不過呢兩盒都有排食呀!