2013年9月23日 星期一

豐園韓國料理


September 20, 2013, Friday Night 追月夜

今日中秋節假期, 好多人BBQ, 我同型爸出去大埔街市, 點知好幾個停車埸爆滿, 排哂長龍,  行車經過, 大尾督燒烤店排哂長龍, 的人入都入唔到店入面 (哈哈, 我諗點長龍都唔會有LC開倉咁誇張)

停唔到車, 我地唯有放棄, 明天再去買餸, 改咗去一田, 去到一田B區停車埸一樣要排隊, 我地唯有泊遠的....結果响一田又出血啦..

型爸有朋友從美國來,  晚上約了一齊食飯, 約咗七點先去樂士佛臺飲杯野, 再決定去邊道食.

老外想訂新羅寶食韓國料理, 哈哈, 點知fully booked, 八點九點都話無位, 咁我地話不如去第二間啦, 呢間的韓國料理都做得唔錯架. 價錢仲平20-20%.


就係呢間响金巴行道嘅豐園
 
 又係一貫嘅六小碟
 

老外喜歡吃牛, 我地叫了兩客大牛肋排
 

用的生菜芝麻葉, 包著食好好味架.
 

不過小心呢條好似豆角嘅辣椒, 超辣, 要去咗的籽我先食得
 

我地只有四個人, 其實兩客大的牛肋排都已經好夠, 但型爸再叫了Pork Belly, 燒起都幾口, 但我覺得好膩, 只食了一片.
 

仲有牛腸鍋

實在太夠, 食完覺得好熱氣, 仲有的喉痛.
 

返到屋企, 見到雪櫃有枝夏枯草, 同型爸每人一半, 飲的消消熱氣...

今日有朋自英國來, 明天有朋自澳門來, 明晚又係出去食呀!

2 則留言: