海鮮站

                 
September 9, 2013, Monday afternoon

今個星期有客到, 好忙呀!  遲咗半個小時先出去食晏.   同我的飯腳, 都唔使點諗, 去海鮮站.   如果我地食一點, 一定唔去, 因為好多人, 通常都要等十幾二十分鐘.  但差唔多到一點半就有位.  去到即有位, 有時食完都只係兩點.

自從海鮮站搬咗去新鋪, 地方大咗, 生意多咗, 但價錢貴咗, 搵位難咗, 所以幫襯少咗.

同事叫了海鮮湯伊麵, HK$46, 下午其中一款招牌麵, 好多人叫.  但我唔食伊麵, 因為每次食完都胃痛.  以前舊鋪有海鮮湯意粉, 但而家新鋪無意粉供應.   另一選擇係海鮮湯飯, 係同一價錢


海鮮焗飯, HK$46, 又係其中一款午市招牌飯.   相比海鮮伊麵/湯飯, 焗飯多咗芝士白汁, 但少咗兩三隻蜆.

蒜頭豆豉蒸斑腩, HK$58


呢道主打食海鮮, 價錢係咪親民價就要晚市嚟先知啦.  Openrice 食客的comment都幾好架.

以前未搬鋪時, 同型爸晚市嚟食過一次, 當時都覺得唔錯, 因為碟頭細, 好適合兩個人嚟食, 每樣食少少, 可以試多種款式.  兩個人都係食咗幾百文.

不過嚟呢道唔好諗著有魚缸養著的海鮮呀, 同鯉魚門或流浮山唔一樣架.   呢道價錢相宜的, 又唔使分開海鮮同油料煮食費....唔同嘅.

好耐未嚟過食晚市, 搵日同型爸再嚟試吓先.