今日係豆豆媽咪生日, 我同另一位同事同佢一齊食晏慶祝, 而呢間餐廳, 係豆豆媽咪挑選架.
呢間餐廳响寶勒巷, 一間精品酒店地下
餐廳名字叫Al Dente
去之前都有上open rice 睇過吓的comment, 哈哈, 都係講的食物質量唔錯, 但係的service就......
我地有訂位, 去到可即時入坐, 被安排坐在吧檯前面的一張檯. 不過當時餐廳都唔滿座, 大約只有八成客人左右, 都夠佢地忙啦. 因為只有一個侍應, 一個manager (都係侍應)& 一個男士負責水吧, 偶爾出來幫忙serve 的人客.
呢個係今天嘅 lunch menu, 都有好多選擇, 價錢由HK$88 - HK$108
意大利麵包, 可醮橄欖油同醋一齊食
豆豆媽咪要了煙三文魚沙律
另一位同事要了吞拿魚沙牛律
我要了凱撒沙律, 睇落差咗的, 無煙肉嘅.
主菜, 豆豆媽咪要了西冷牛扒
另一位同事要了羊柳
我就要了西班牙海鮮飯
呢份係甜品, Tiramisu + vanilla 雪糕....有驚喜呀!
個Tiramisu 有個硬餅底, 跟著係香蕉, 個面先係Tiramisu, 食落有幾個層次, 好味呀!
兩位要了凍咖啡
我就等甜品嚟時先要了熱咖啡
哈哈, 開心時刻又嚟啦...
埋單HK$345, 一的都唔貴呀!
多謝豆豆媽咪又搵新地方同我地食晏, 請佢食多兩次飯都抵嘅. 生日快樂!
啊! 差的唔記得講吓的service, 三位侍應/manager, 都唔知係咩野國藉, 可能係尼泊爾啩, 只會說英語. 因為有哂心理準備, 所以無咩要求, 落單上菜都幾快, 只係佢地無咩笑容. 可能太忙啩, 見佢地都未停過手, 可能做到唔識笑啦.
的食物ok架, 會再嚟.
沒有留言:
張貼留言