一人前白菜肉片拉麵

October 9, 2013, Wednesday night

型爸今日約咗朋友, 二公子又去咗街, 放工返屋企, 今晚只得我一個人食晚飯.  

咁Ruby唔會整幾餸一湯, 都係整碗麵比我.   對於我呢個仲係病緊嘅人, 食麵仲啱哂添啦.

白菜肉片北京拉麵.  Ruby比埋辣椒醬我, 好想食呀, 但都知道唔應該食, 掂咗少少吊吓味啦.

型爸唔响屋企,  Loki就黐到我實啦.

到我食完麵上房, 佢又飛撲咁跟著上嚟.  咬著嚿玩具要我同佢玩.   同佢玩一陣, 佢又唔想玩啦.  對眼睛就望著我檯上放著包雞乾.   咁我扮做野唔理佢, 佢就對著我係咁叫.

咁我梗係知道佢想要咩啦, 我繼續用電腦唔理佢, 仍就跳嚟跳去呱呱叫.  我再唔理佢, 佢就會兩腳爬上我張椅嘅扶手, 不斷哄個頭嚟強吻我....哈哈, 佢強吻完我一輪, 我忍唔著笑就會就範, 拎條雞乾出嚟比佢食.

呢包就係令Loki每日都扭計嘅雞乾啦.

一大包入面有4 pack, 每日都要扭我比一塊佢食(當然我比多一塊佢就更開心啦).

食完, 佢就會立即去飲水, 跟著搵個靚位對著冷氣風口位, 乖乖咁坐响道陪著我.

嘻嘻, 我每日都咁樣玩Loki,  哈哈, 定係佢每日都咁玩我呢!