燒肉＠牛太 本陣

October 12, 2013, Tuesday

今日型爸有興緻, 一早預告今日嚟同我食晏. 

佢問我去邊食好, 諗起好耐無去食燒肉, 呢樣型爸又好喜歡, 咁就去本陣啦.

响厚福街H8, 21樓, 由我office 行去都幾遠架.   不過出去食晏其中一個目的都係想行吓, 無所謂啦.

去到都幾靜, 我諗呢道的裝修都幾貴, 因為每張檯都有抽油煙機同石油氣爐


呢就係呢個啦.

我地三個人各自叫了一份午餐

跟餐宦有沙律及前菜


今日前菜係蘿蔔乾及泡菜, 兩款都好味.


型爸要了鹽燒牛舌+黑豚腩肉, 嘻嘻, 的腩肉同影出嚟嘅相有的分吃喎

我要了三款口肉

哈哈, 兩個人慢慢燒都幾過癮.


呢道的飯好好味架, 紫菜湯同飯都可以免費加添


呢道有個牌寫著, 的米係由日本運嚟架 ...(希望唔係福島啦)

另一位同事唔食牛, 要了石頭鍋飯, 嚟到侍應馬上幫佢拌勻, 拌完之後, 買相就差的.  睇落好細碗, 的飯又少.  同事覺得麻麻呢!

上次嚟食仲有幾張免費雪糕卷..

每人有一客免費雪糕

埋單連加一HK$224.

喜歡食牛嘅牛魔王真係要嚟試吓.


最好係揀每個月嘅29號, 因為有八款肉半價.  午市晚市都有.