芋香手抓餅+咖哩牛筋腩

October 5, 2013, Saturday Night

一到假期, Ruby就會嚟問我, 今晚使唔使煮飯呀....哈哈, 實在太多個星期六日唔使佢煮,  不過今次嘅答案佢就失望啦.  今晚响屋企食呢!

不過都唔使煮的咩, 因為昨天有半鍋咖哩牛筋腩剩, 我同型爸商量, 煎兩塊手抓餅, 加條菜就得啦.


呢款芋香手抓餅上次喺一田買架.

寫就好健康, 類似油酥餅


唔使加油, 用平底鑊煎就得啦


急凍包裝, 一包有五塊, 用牛油紙分隔開

冰箱攞出嚟, 即刻放落平底鑊, 慢火煎香

 

呢, 煎好啦....好似好好味咁

 

咖哩牛筋腩, 今日更加好味

另外整碟蒜蓉菜心

呢份就係我同型爸嘅二人晚餐啦.

 

的手抓餅睇落就好靚, 好肉整塊都係芋頭, 但食落完全食唔到有芋頭味, 好似我地平時食油酥餅咁.

咁簡簡單單都ok嘅, 唔使成日都幾餸一湯.

唔好睇佢細細塊呀!  真係一塊就夠, , 我連一塊都食唔哂, 可能仲係病緊, 胃口唔好, 覺得有的膩(都無落油煎啦) 最後都要型爸幫我食堆最後一小塊.