阿舍食堂- 外省乾麵

September 30, 2013, Monday

好耐都無試過感冒都要請兩日病假. 星期五請咗病假, 星期一都係要請病假.   轉咗醫生食咗新藥, 有的好轉, 但仍是病得頗嚴重, 又咳大傷風咁, 都費事返公司傳播病菌, 乖乖多的休息, 快的好番先返工啦.  雖然無返工, 我可以在家覆email.

今日好番的, 落去摷吓廚櫃睇吓下午食咩好.

哈, 竟然比我發現仲有一pack五包阿舍食堂嘅外省乾麵.


呢, 就係呢個台灣品牌, 應該係林老闆上次送比我地架.

 

呢款麵一定要用水煮, 唔似某的即食麵用滾水泡都得.

 

不過都好簡單, 只要煮4分鐘撈起就得啦.

 

內附呢包醬汁, 微辣, 好好味架.

雖然細細包. 但足夠撈勻一碟麵. 呢款麵條好滑, 好似中式嘅寬條麵, 但無梘水味架.


整咗碟菜

再加一碗什丸湯(呢的全部都係昨晚二公子BBQ完剩低的物資)


口淡淡咗幾日, 呢款阿舍食堂外省乾麵的醬汁撈麵, 覺得好好味!

食藥食咗幾日, 諗起都打冷陣.