占美嗒糖餐廳

October 13, 2013, Sunday afternoon, 重陽節

假期無特定節目, 咁啱二公子又放假, 無咩野做, 三人行上咗國內消費, 都係行吓大型超市, 跟著就去按摩.

買咗少少野, 二公子話有的餓(哈哈, 佢點會想行街吖, 最主要都係想去按摩).   我地去咗福民水圍, 見到有間餐廳幾企理乾淨, 一於去呢間啦.

呢間餐廳有兩層, 感覺有的似台灣的cafe


哈, 但係原本係港式茶餐廳, 叫占美嗒糖餐廳, 仲始創於1991....嗒糖英文點譯....Da Tang

 

有好多款午餐可以選擇

型爸要了什錦炒麵, 包一杯飲品, RMB28...不過型爸話的麵炸到硬哂, 唔好吃呢!

我同二公子要了西式午餐, 套餐包餐湯, 主食及飲品, RMB42, 凍飲加RMB2

二公子要了忌廉湯, 佢話ok喎

我要了羅宋湯, 味道酸了一點, 但夠濃, ok.

 

二公子要了白汁海鮮焗飯, 又ok喎.

 我要了焗豬扒飯, 的汁又係偏酸, 不過炒飯底幾好.

二公子同型爸要了凍檸茶&凍奶茶

我好了熱咖啡....有驚喜, 意大利咖啡....好得....呢個餐即刻抵哂.

個咖啡杯印有餐廳名字, 有誠意

 埋單RMB114.   咁又攪掂一餐.

食完我地去按摩啦....nice!